繼上兩個月跌爆電話 mon 之後
今個禮拜又過唔到相入電腦
今日無端端開唔到 laptop
究竟係電子產品同媽媽有仇
定係媽媽係個電子產品殺手呢吓
好在轉咗嚟 Google Blogger
作為電腦白痴，又好在勉強識用
依家用緊我部爆花電話寫卜
上一兩個月，Wavy 叫自己做 Peppa Pig 喎
依個月，轉眼間已變成 Princess，有人自稱
Princess Wavy！I'm Princess Wavy！哈哈
媽媽亦由 Mami Pig 變身為 Princess Mami～
上個月，原本搵吓有乜 Peppa Pig 產品
繼而發現一啲 Peppa Pig 手作仔
然後無意之間入咗 Pinterest
弊啦！搵返 N 年前嘅 A/C 之後呢
成個月都沉迷咗入 Pinterest 嘅花花世界
大致上都係關於 Craft, Kids & Household
亦因為「見識」多咗，覺得齋玩係唔夠嘅
應該加入多啲實用成分，所以趁執屋同時
搵啲適合嘅嘢比 Wavy 掂吓、試吓、學吓
例如夾嘢訓練 fine motor skill、學用牙線！
媽媽依幾個週末忙執屋 pack 箱
方便日後隨時搬屋唔會喱咁 hea！
又唔想倉生只係比部 iPad Mini 個女
就當係「睇」住咗佢，所以媽媽建議
佢哋親子一吓，試吓整 Marble Maze！
當然結果有啲出入，但係算 good try 啦唉
另外，本週只有數單輕微不愉快事件，感恩
亦因為執屋，搵返好多寶藏出嚟
話說媽媽每次返港回美都出盡法寶
善用行李箱每分吋，誓要 50lbs 多少少
再加基本上唔合規格嘅大背囊大手袋等
每次都滿載而歸！保守估計起碼十大喼
仲未計嗰幾個大袋背囊，家人拎嚟嘅喼
可以想像屋企幾咁多嘢！咪執 c 自己囉
好嘅係唔駛求人買嘢，同埋清咁香港間房
仲有就係原來多年嚟嘅收藏係有用武之地
你話係咪生女好呢？嘻嘻！其實唔關事嘅
不過因為依啲珍藏，先發現 Wavy BB
嘅無敵摩打手係幾咁犀利，厲害，哈！
每週愛心玩意
因為唔想比人哦，要暫停一吓 Peppa Pig！
喺 Pinterest 發現依個雪條棍 Puzzle 呢
方便易整！通常人哋畫公仔或者擺相
但媽媽唔想 cut 自己同 Wavy 個樣
所以用咗啲零食包裝盒嚟整喇
沒有留言:
發佈留言