7.8-7.14.2012
唔知點解，每次返 LA 間屋
Wavy BB 冇凌晨三點都唔願瞓
當時每次落洛杉磯都好疲倦
不過 Wavy 係嗰啲瞓少少
就鬼打咁精神嘅 BB 嚟！
當日去咗拜 Wavy 太爺
然後去咗 JCPenney 個 Studio 影相
媽媽超級鍾意嗰輯相㗎，多謝倉生！
六個月人仔，最愛食衫食手指，嘻嘻！
夜晚去咗 Chipotle 食
食食吓，隔離有個遊客家庭問路
我唔識喎，倉生答啦當然，嘻！
Wavy BB 大汗豬，條頸醃到紅哂
天氣太熱，日日抹都係咁～
食 solid food 嘛，一向都唔係順攤嗰隻
Wavy BB 鍾意爸爸餵，望住媽媽食
可惜倉生唔多願意，所以都係媽媽餵
想當年佢半歲，媽媽都仲有時間
發掘吓啲新食譜，整吓唔同嘅嘢食
依個禮拜嘅相，揀嚟揀去都過百張
所以都係要變成 collage
嗲嗲豬又嚟喇！媽媽錫錫先～
媽媽一向都係 BB 最好嘅玩具
吖唔係，應該係玩伴，嘻嘻！
唔知點解，好鍾意影佢啲瞓覺相
因為表情太多，所以日日都影好多好多相
雖然好鬼多相，不過望住啲相
媽媽都會笑笑口！Muah～
依個時期，應該係冇嘢唔咬嘅，哈哈！
諗起初初餵 Wavy BB 食 solid food
就好似打仗咁！我指同隔離嗰個呀吓
同媽媽玩完，傻 B 就同牆上嘅影傾吓計
由細到大，佢對鏡頭都好敏感
抑或係對電話同相機有興趣呢？
每次都手腳並用，全身運動！
Wavy BB 最愛嘅座位
就係媽媽個 Body，哈！
媽媽又溶咗喇，駛唔駛咁 cute 先？！
另類 bonding time：爸爸睇劇集
Wavy BB 自己玩，不過佢都自得其樂
話說有次睇兒科，check 到有啲唔妥
所以有日去咗專科到檢查吓喇！
個樣幾慘慘，好似知道發生咩事咁！
睇落好恐怖，其實唔會整痛 BB 嘅
好好彩，只係虛驚一場！
其實喺媽媽個肚嗰時，都 check 過一次㗎喇
如果真係遺傳咗爸爸嘅嘢，盡早做手術就好嘅
唔該哂倉生個老闆車我哋返屋企呢！
冇事就好，媽媽安落哂！
當晚就咁喺爸爸度瞓著咗，哈哈！
瞓瞓吓覺，又典來典去，發惡夢吧？！
今次辛苦 Wavy BB 了，冇事㗎喇！
媽媽無聊，放佢入個透明膠箱度玩
又幾開心喎！仲係咁咬條魚形書書
十秒內嘅百變表情？哈哈！
咬、咬、咬！Wavy BB 最愛咬‧‧‧
Tag！！！佢有 tag-aholic，哈哈！
有啲嘢要自細教，嘻嘻！就係‧‧‧
維他檸檬茶？媽媽嘅！Lumpy？媽媽嘅！
唔知係咪真係 work 啦，不過呢
依家真係見到 Lumpy，就話
Lumpy 大笨象，媽媽嘅
呵呵呵！
沒有留言:
發佈留言