每個禮拜都寫連續三年嘅 Wavy Blog 的確有啲吃力
不過鬼叫我之前冇寫呀，頂硬上啦！媽媽加油！
由兩歲半到歲半再到半歲，依家又返嚟兩歲半
雖然 Wavy BB 嘅外貌性格都似男仔多啲呀
但係啲行為都好女仔㗎，又貪靚呢！
依一身裝扮出自佢，係「以為出街 Look」
Teddy Bear 係媽媽第一隻整嘅紙公仔
發覺除咗耳仔手腳，頭同身連埋一齊好啲
其他動物就分開好啲！我怕我會整上癮，嘻嘻
其實我應該擔心可唔可以整夠一 set 多啲
話說朋友講開，改良一吓再研究一吓
可以擺 Etsy，只係輕輕一提
倉生又開始話‧‧‧（下刪二百字）
順便一提：本週不愉快事件有兩單！
1）Potty 飛上天花板 2）幾時找電話費 x 2
Wavy BB 算係有啲揀飲擇食
豬牛都少食，除咗薄薄嘅 ham
除咗和牛嗰啲，好少 ask for more
不過大愛雞翼，其實雞皮先係首選
另外同媽媽一樣，冇海鮮不歡！
自從 Thanksgiving 買咗個 Waffle 機
$5 㗎咋！加上揾咗個幾好嘅網上食譜
Homemade Waffle 係 Wavy 嘅每日早餐
加埋 Nutella，睇嚟食成世都未必會厭，哈！
晏晝，比 Wavy BB 再試吓包飯團
咩都想自己做嘅階段，當然好滿足
依個星期，媽媽仍然整緊 Peppa Pig
整埋 Daddy Pig、Suzy Sheep、Danny Dog
Candy Cat、Elephant Emily、Rebecca Rabbit 等
Weekend 倉生如常同部 laptop 親子樂
媽媽就試吓同 Wavy BB 一齊整包整 Pizza
因為一路整，媽媽要一路出去洗兩機衫掛衫
仲要倒幾袋垃圾，所以冇跟足食譜嚟做嚟發酵
不過呢，效果都比我想像中好呀，開心開心
因為時間緊迫同安全關係，冇用刀分好一份份
只係隨手搣出嚟，所以啲 dinner roll 呢
唔係一樣大！咁先係 handmade 嘛（安慰自己）
Wavy 都整得好開心，有大有細，good job！
另外，我哋仲整埋 Pizza
Wavy 自己搓皮㗎，哈哈！
屋企如常冇咩餸料，唯有用菠蘿腸仔，嘻！
個底就用埋啲 sun dried tomatoes
圓形嗰個，仲無厘頭落埋啲啲咖哩粉
自己整，果然食多幾塊，哈哈！
朋友笑佢係鬼妹仔，麵包癡嚟㗎～
其實，想同 Wavy 一齊整嘢食好耐
奈何另一半覺得（下刪一百字）
雖然同時間要做好多家務
但係媽媽覺得好滿足好值得呢
希望下一步係一齊畫畫做手工啦！
奈何另一半覺得（下刪一百字）
雖然同時間要做好多家務
但係媽媽覺得好滿足好值得呢
希望下一步係一齊畫畫做手工啦！
每週愛心玩意
沒有留言:
發佈留言