仲未執完！鬼叫大部份嘢都係我㗎咩
好彩有 Wavy 幫媽媽手，女仔果然好啲
除咗多咗個洗手間（不過風水唔好唔用喎）
仲有洗衣機同乾衣機，加個 patio 添
最好當然係租金仲要再平啲添啦
以前一出門口就係 parking 嘅地方
所以好少帶 Wavy 出街玩呢
不過依家唔同，一日出幾次玩車車
"新" 車落地，哈哈！
唔係執嘢都唔知有依架車
因為佢最 "污糟"，啱哂出街玩
不過唔記得搽防曬嚟同陽光玩遊戲
終於有地方比 Wavy 亂畫喇，好嘢！
爸爸買嘅 "運筆書"，Wavy 好有興趣
自己寫，自己抹，叻叻！
最爆係，倉生遲咗同佢抹
我話見人哋可以用水抹啦
自以為聰明嘅倉生，竟然
係竟然用水沖洗成本書囉
原來高分的真的係低能的
第一日接手，倉生請同事食晏
夜晚問吓不如出街食，話週末先喎
咁就簡簡單單，（蝴蝶）麵包加意粉啦
倉生收五點幾，食完飯唞咗陣
仲未天黑，所以身痕，又帶
Wavy 出街玩吓車再攞信
大力士 Engineer 又出現
媽媽試吓靚表姨送嘅頭飾
"唔執輸妹"（真花名嚟㗎）
又點會冇份呢？𡃁模又上身
雖然小毛（讀 mo）幾條
不過又真係女仔少少嘅，哈
星期五，倉生咁啱休息一天
去咗律師樓簽嘢（我要孭債了）
再去 Costco 行，然後去買餸打邊爐
本來話出街食，變咗打邊邊
我接受嘅，喺 Costco 食晏
都係出街食吖，係咪先？哈
星期六朝早，整個海鮮版 quesadilla 先
加埋 Wavy 最愛嘅芝士，當然 lam lam 痢
幸福的 Wavy，太令媽媽羨慕了
雖然我唔鍾意 Hello Kitty
不過依兩 set 嘢都幾正
Costco 大蟹焗香菇瑤柱飯
倉生幫我買咗鬼嫁第二本書
跟住佢本書嘅食譜，再改良的
Wavy 第二次食，梗係超鍾意食啦
不過係咁叫媽媽同蟹蟹握手手
好彩唔係 Hi-5 啫，嘻嘻
星期一，爸爸喺 Delano 返兩日工
媽媽試吓整 S'more 版 quesadilla 先
同 Wavy 兩個人食到 lam 哂手指呀！
估唔到我有咁瘋癲嘅諗頭，不過好味吖
每週愛心玩意
又係 Peppa Pig 朋友仔
今次係 Kylie Kangaroo 同埋
Delphine Donkey！唔好以為好易
有個小朋友喺側邊，媽媽要
起碼 45 分鐘先整到一個
沒有留言:
發佈留言