開始甩卜，好彩都係同一個禮拜
不過就遲咗幾日啫，算係咁㗎喇
巨型中西 Fusion 嘅 Burrito
哈，其實係懶諗煮咩啫
同食埋啲剩餘物資
反正倉生未返
繼續 play dough， 仲未玩厭
仲多咗啲工具用嚟 cross-over
本週玩意！其實歲幾就可以玩㗎喇
不過將近三歲嘅 Wavy 都玩得
不亦樂乎！不過呢。。。
週末去退嘢同埋 Shopkick
仲有買嘢比個妹妹仔
Wavy 有福，得到倉生厚愛
兩份玩具均不勞而獲
媽媽落足嘴頭，先有依一份㗎
依啲嘢，冇話只係男仔玩嘅
Wavy 都不知玩得幾過癮
做 Flower Girl 嗰日 Wavy 好聽話
所以爸爸批准可以買指甲油比佢
經過媽媽多重嘅挑選，揀咗
Piggy Paint，貪佢 non-toxic 同
係 Natural，仲有係 made in USA
知唔知 Wavy 喺車做緊咩？嘻嘻～
真係冇買錯個 potty 呀！係喎
其實搬咗之後，連瞓覺出街
都冇著片喇，功成身退
有幸有 ticket 去 NASA 嘅 event
因為我提議去，所以係我揸成程
人肉GPS 點錯路，最終倉生揸返
某人懶老定話大把時間喎，就去
埋個 Mission 先，倉太話唔好啦
不過邊有 say 㗎我其實？咁去囉
最後當然遲大到啦！係人都知
依啲大型活動梗係預多啲時間好啦
好彩影響唔大嘅，係少咗時間參觀啫
不過加埋其他嘢，某人又發癲
總知嚟到門口又話要走
仲想推走埋 Wavy
媽媽當然保住個女係咪
你有你癲，咪令個女冇得睇吖
叫倉生唔好走啦，追咗一陣都係算喇
冇電話喺身嘅我，決定照帶個女入去
最多走嗰時問警察借電話打㗎啫，唉
時間唔夠同知識又唔多，都係亂咁行
因為得媽媽一個，好多嘢都係遠觀
人太多嘢又太多，冇得摸都有得睇
雖然係咁，我哋都好滿意
有時諗，話走嗰個係我
想像唔到倉生點同個女玩
足成日，唉。。。唉！
我哋見到好多嘢
又 miss 咗好多嘢
帶架戰車，係麻煩啲
媽媽唔可以次次迫入去
睇依個 SkyTran，唔比帶戰車
一抽二拎入去，好在 Wavy 都乖
發咩癲吖佢，錯失一個特別家庭日
Wavy 同媽媽簽咗名呀，哈哈！
仲低低能排咗成個鐘
以為係吸印仔，點知係
用天文望遠鏡睇太陽呀喂
本來覺得豬咗想走啦我
不過都排咗一段時間
就繼續排，點知成粒鐘
型嘅係用過天文望遠鏡睇
豬嘅係排咗我哋一個鐘
究竟係值定唔值呢？
好開心去到 Super Computer 依區
超級電腦喎，型到震！其實我哋
勉強行哂個 self-guided tour
不過就冇時間去另外兩個 plaza
所以嗰個鐘走咗去排隊係咪值呢吓
雖然 Wavy 遠睇同影相多
不過都有得比佢摸吓呢
NASA Wind Tunnel
一堆太空機，同 Wavy 係咁問
咩名嘅 Viking 400，究竟係咩？
離開嗰陣，媽媽真係去問警察
點知嗰兩位高高大大嘅差人
唔肯幫我，叫我自己周圍搵吓
咁唯有走返去入口，激氣！
途中竟然比媽媽執到兩張 $20
周圍問人有冇跌，佢哋又好老實
途人係咁話我 lucky，有幾 lucky 先
去到入口，有分叉路呀
作為路盲嘅媽媽，鬼記得咩
於是問吓啲工作人員邊度有電話
好彩有個姨姨好人，借電話比媽媽用
倉生唔接，倉太預咗，咁留言囉
好在依稀記得倉生個新號碼
其間都打定輸數，最多
打的去佢親戚屋企，OK 吖
於是又問姨姨借電話，睇吓幾遠
嗰一刻，倉生出現喇！黑口黑面喎佢
唔啱在先嗰個，竟然咁嘅態度？
算鬼數，點知叫我帶路拎車
玩咩？我忍！喺姨姨部
電話睇吓條路點行，記入腦
行行吓佢又坐低，話等我拎車先
再揸過嚟接佢，我都忍，不過我發覺
有人跟蹤我哋，哈哈！見到架車
亦見到倉生，佢行咗條捷徑
媽媽搞掂哂個女同啲嘢
都預咗係我揸，佢隊個電話
比我，GPS 冇聲嘅？不過有地址
Android 白癡如我，真係搞唔掂㗎囉
不過冇辦法，照去㗎啦，兜呀兜
停呀停，又比我㩒返有聲呀
但係我都要不停兜路！
好彩成功上到 freeway 呢
不過走歪咗一條，又要 off ramp
再嚟過，真係好多謝倉生，比個咁嘅
機會我好好鍛鍊吓自己嘅技術呢
當然仲有 EQ 啦，哈哈！
Anyway，最終成功到達目的地呀
媽媽都好欣賞自己，係咁惡劣嘅情況
都可以安全抵達！咁之後點呀？
倉生見返個舊同事，當然
變返一個好好嘅倉生
Wavy 好開心吖，雖然一去到呢
就係 poo poo 咗好耐，哈哈
之後同 7 個月嘅妹妹一齊玩
再玩殘 3 隻貓，倉生同事
都好驚訝 Wavy 嘅戰鬥力呢
除咗倉生，個個都話湊佢係唔易
Wavy BB 當正啲貓咪係佢咁囉
不過睇佢同啲貓貓玩，真係好得意
尤其係見佢趴喺度，認真同隻貓講嘢嗰時
星期日，留喺倉生叔叔屋企
開 party 之前，去 Target 先
買啲飲品呀嗰啲，點知一去到
就見到有 Pumpkin Patch 呀
其實 Wavy 從來都未去過
雖然依個係超級 City 版
但係未去過 pumpkin patch
嘅我哋，都影得好開心囉
其實都講過吓話今年帶 Wavy 去
咁希望今個 Halloween 得啦
唔知真正嗰啲係會點㗎呢？
唔知下個禮拜係咪去得成呢？
Frozen 喺啲十歲八歲妹妹界
真係好鬼 hit，尤其係 Olaf
Wavy 依期鍾意 Snow White
所以臨走前都要扮多次，哈！
雖然間中都有失誤
不過 Wavy 都算對南瓜
愛護有加，叻叻！
每週愛心玩意
就係之前講依個玩意喇
儲咗一排 toilet paper rolls
先有得玩㗎，哈哈！但係我哋
冇咩膠紙，而依隻膠紙又唔黐牆
所以一晚就甩哂喇，黐櫃我又唔想
