知道依個禮拜好忙，所以一早整定
"每週愛心玩意"，怕 miss 咗呢
細房（即係主要 Wavy 次要我嘅嘢）
執得七七八八，廚房都五五六六
係個廳（即係我哋間房，哈）
啲玩具係時候 pack 箱喇
Wavy 好鍾意玩 pom pom，嘻嘻～
P.S. 姣妹依幾個月好鍾意自己著 tutu
可以係跳隻舞，可以係冇任何理由
Pompom 頭機械兔仔，哈哈
一面收玩具，一面話要玩
哈哈！拜拜喇，新屋再見
星期五，倉生返工，我車 Wavy 返屋企
晏晝佢拎 Uhaul，夜晚放工齊齊搬嘢上車
周邊啲幾歲姐姐仔係咁撩 Wavy 玩，哈哈！
星期六朝早，老爺、倉生家姐同兩個細路
嚟到幫我哋搬屋，辛苦佢哋喇，些些
喺 Subway 買外賣，搞咗一轉
去間香港人開嘅餐廳食
老公同老爺再嚟多轉，不過呢
佢哋喺 Delano 瞓多晚，星期日返嚟
繼續搬呀搬！冇法啦，17' 車變咗 14' 呀
話說倉生近排好信風水，我哋就跟蘇師傅
嚟個簡單入伙儀式，多謝姑奶出錢出力
冇咗佢我估冇咁順利同繼續比人鬧
禮拜日，佢哋晨早六點殺上嚟 Atwater
整吓整吓都 lunch，去咗 Taco Bell
倉生應該感恩，佢態度點差都好
身邊都有人無條件咁付出，不問回報
希望佢有日會醒覺，好好愛惜身邊嘅人
因為請人唔易，倉生會繼續喺 Delano 幫手
直到舊老闆娘揾到人為止，雖然辛苦
不過我就可以輕輕鬆鬆一啲啦！
除咗仍然要幫佢整依樣嗰樣
專心湊女就得，唔駛睇人面色
又唔駛湊多個溝通唔到嘅人，幾日啦
不過幾日對我嚟講，身心都健康好多呀！
倉生喺香港帶來榮華老婆餅
點知差啲比 Wavy 食哂，哈哈
跟住追吓佔中嘅消息，要消化吓
嚟到新 apartment，又係執執執
一邊執廚房，一邊比 Wavy 玩磁石
真係咁好玩㗎咩？傻豬！
Wavy 姑媽比咗啲 material 我哋
佢自己 mix and match，叻叻喎
雖然個 E 調轉咗，不過啱哂顏色噃！
繼續分吓顏色，媽媽努力執廚房
跟住 Wavy 挑戰難度高啲嘅
OK 啦，時啱時唔啱，都冇理佢
等佢自學吓啦，未學識咪慢慢學囉
Ready 嘅，一學就可能識
未 ready 嘅，硬學都冇用嘛
依個係 Wavy 教媽媽嘅教 B 之道
每週愛心玩意
都係 Pinterest 貨
唔知未識玩定唔想玩
抑或太好玩呢？即係咁吓
玩咗一次，啲紙仔各散東西
我估佢對圖案紙仔感興趣多啲
