Wavy BB 週記：2 歲 7 個月（4）I 粒 U

有一晚無無聊，Wavy 將啲書運嚟運去

運運吓，係咁疊疊疊，最勁嘅係

疊咁高成晚都冇跌過落嚟

媽媽嘗試整 edible playdough

雖然冇 search 過街買嘅有咩唔好

不過自己整嘅始終好啲

起碼知道成份有啲咩嘢嘛

其實打從 Wavy 對較剪好有興趣開始

就想整㗎喇，但係成日無疾而終

依家終於有啲嘢，用佢嘅玩具較剪

真係可以剪得到啦，哈哈哈～

Wavy BB 整咗隻恐龍呀

上排左面嗰隻就係喇！

今個禮拜倉生買咗 Cactus Pear 返嚟

我都係第一次食咋，唯有 youtube 吓

有人話啲 seed 食得，不過好硬

可能品種唔同啦！啲味似番石榴？

依個星期 Wavy 狂要求玩 Playdough

繼續剪剪剪，同埋出動

rolling pin 加 cookie cutter

有個小朋友玩到唔願食飯，哈哈！

雖然 Wavy 係女仔，不過

佢好抗拒紮辮同夾夾，慘！

通常要軟硬兼施先肯夾㗎

媽媽真係唔想剪佢僅有嘅頭髮

唯有夾住等佢長，唔駛成日剪啲蔭

週末唔駛南下北上，整 crepe 做 brunch

順便比機會 Wavy 參與一吓

佢整得好開心呀，媽媽好滿足

包嗰時似模似樣㗎，包完之後就‧‧‧

希望將來有更多機會比 Wavy

試吓整嘢食，礙於其他

因素，依家比較難

比佢參與吓

哈哈，今個星期，"I Love You"

係 Wavy 嘅 weekly 口頭蟬

不過發音唔正，變成

I 粒 U，I 粒 U

哈哈哈哈

每週愛心玩意

其實個個禮拜都喺 Pinterest 度揾料

依個 edible 嘅 playdough 唔難整

不過屋企冇咩 mild 嘅顏料呢

唯有加檸檬汁，有少少黃

味就冇咩㗎喇，好在唔係難聞

同埋冇怪味！有啲乾就加啲水搓吓

玩咗成個禮拜，至少破壞王都未摧毀倒

Wavy BB 週記：2 歲 7 個月（3）多謝 Pinterest

用相機影比較麻煩，所以越來越少相？！

我諗嚟緊個禮拜要努力啲，影多幾張

依家都係 pee pee 完

就可以睇 youtube 五分鐘

作為小小鼓勵！不過 Wavy 有時

會濫用呢，為咗再睇，好快就去第二次

喺美國第一次食荔枝咋

第一次買 swiss cheese，大愛

第一次整 grilled cheese sandwiches

Wavy 話咁樣係 Ariel（小魚仙）

哈哈，比媽媽成功荼毒鍾意 Princess

今個星期嘅玩意，比我想像中好玩

媽媽 bff 提供一半物料

些些，些些，嘻嘻！

試整咗 Pad Thai 同 Pad See Ew

前者可能係泰國地道版，唔係美國版

老公唔多 buy，佢話應該用茄汁去整，哈

今次用雞湯同冬菰水整碗仔翅，倉生讚好喎！

每週愛心玩意

依個毛毛蟲玩意簡單易做

出嚟嘅效果原來可以咁 creative

我哋整咗唔同嘅虫虫、米奇米妮老鼠

火柴人、阿拉伯數字同中文嘅 1 2 3，仲有

眼仔 pizza、螞蟻、太陽、煎雞蛋等！Amazing～

Wavy BB 週記：2 歲 7 個月（2）Merced／Atwater 視察環境

冇咗電話確實好唔方便

奈何冇得選擇。。。

冇得做低頭族

就整多啲嘢食啦

至少自己心情會好啲

試整咗芝士麻薯波波同雞批

前者 Wavy 鍾意食，後者倉生讚

仲整咗懶人版釀節瓜

冬菇都懶得切細，就咁

連肉連調味放哂攪拌器就算

Wavy BB 嘛，仍然氹得媽媽好開心囉

仍然鍾意唱歌、跳舞同 Peppa Pig

依兩個禮拜就同 Dora 同 Boots

friend 咗，有時 Peppa Pig 都唔睇

週末去咗 Merced 嘅 Farmers Market

買咗 3 磅 organic grapes（$3.50 - 抵呀）

同 1 磅開心果！兩樣 Wavy 都好好好鍾意食，嘻

跟住四周圍睇吓，視察吓環境

去到 Kiwanis Kiddleland 嚇咗一跳

比網頁呃咗添，個樂園 "大" 到呢真係～

不過幾十年前，我相信當時真係好勁嘅

或者有機會秋天帶 Wavy 再嚟感受吓啦

之後再四圍兜吓，睇吓有咩屋住

第一次比 Wavy 喺車入面便便，嗚～

對於我哋嚟講，依個 potty 真係冇買錯噃！

原來 Atwater 都有 UC Merced 分校

不過係比人做 research 嘅好似係

星期六睇完 Merced 同 Atwater

就係 Budget Inn 住咗一晚

星期日繼續行程睇睇睇

依個禮拜，得到個令我好震驚嘅消息

希望 "妳" 喺天堂可以快快樂樂生活落去

本來想下次還返盒嘢比你，不過冇機會喇唉

每週愛心玩意

依個星期嘅玩意都係參考 Pinterest

將屋企少用嘅 cookie cutter 畫喺紙度

比小朋友玩 matching，可以學字認顏色

Wavy BB 週記：兩歲半（5）+ 2 歲 7 個月（1）借宿一宵 @Fresno

話說 Potty Training 咗都一個月

大致上都冇問題，日頭嘅意外基本冇咩

瞓覺同出街仍然用片，夜晚只係濕過一次勁

除咗幾次濕，其餘時間都會起身先 pee

去街都冇濕片，喺洗手間先會去！

不過唔知點解，屁股仔又有 rash

嚟完又走，走咗又返返嚟

所以都係睇吓醫生

兒科醫生話係 bacteria infection

最大嫌疑係公共洗衣機？

不過住 APT 冇辦法

又有 oral medicine 同 ointment

不過都係睇定啲，再出先食藥搽藥膏

Wavy 開始將啲貼紙周圍貼

以前我 "迫" 佢貼喺貼紙簿嘅

之前姑媽送咗 set 曲奇玩具比佢

依家間唔中就喺屋企嘅角落發現蹤跡

週末先去 Fresno，再上 Atwater

Pee-ka-boo

喺 Atwater，幫襯咗 "自己人"

順便收吓風，睇吓依個 city 係點

窩巴湯！之前卜友介紹先知

喺香港我都好似冇咩印象飲過

依個小朋友呢，真係好豪邁吓㗎！

跟住去 Merced，爸爸約咗人傾嘢

媽媽帶 Wavy 去 Barnes & Nobles

之後去咗爸爸舊同事嘅屋企！

食飯前去咗游水，其實都係行吓水

Wavy 同弟弟都玩得好開心

弟弟見到 Wavy 好鬼熱情呢！

有啲嚇怕咗 Wavy，哈哈，傻豬

夜晚去咗 Tahoe Joe's Famous Steakhouse

佢舊同事都知依一年嚟發生嘅事

比咗啲意見倉生咁啦

不過話事權一向喺倉生度

Anyway，佢舊同事都三番兩次話

Family 應該 is a team，唔係倉生咁諗囉

倉生依然好激動啦

我嘅內心又何嘗唔係？

食完晚飯之後喺佢哋屋企過夜

第朝倉生同舊同事散步

希望依個 "訓話"

有啲作用啦！

佢哋返嚟，舊同事奶奶整咗好豐富嘅早餐

之後大家一齊去買餸，放低啲餸之後

又一齊去 Costco 入貨

Late lunch 去咗 Famous Dave's

個 Feast 係用垃圾桶蓋嚟裝㗎！

唔知點解，Wavy 好鍾意

打橫瞓喺啲枕頭度㗎，哈哈

人哋咖啡拉花，Wavy 就用

Nutella 嚟 "拉花"！即係用匙羹

將啲 Nutella 拉去碗邊扮花

每週愛心玩意

今個禮拜好簡單，因為好忙

依個就係 handmade 嘅 kazoo

以前啲家庭都好興自製樂器

因為芝麻街，佢認識咗 kazoo

不過吹方面仍然未掌握好呢

但係就咁拎住 Wavy 都好興奮